the wood of the mill

Ní léir suíomh an mhuilinn inniu. Féach an leathaistriúchán 1666 ‘Killmallaghagh alias Killmullin, Clonanna alias Millsburry’ ASE 84. Tugtar cuid mhaith leathaistriúchán san fhoinse céanna, cuid díobh níos cruinne ná a chéile. Níor mhair an ceann áirithe seo i bhfad.

Ainmneacha stairiúla:

1. Tá achar níos mó i 1655 ‘Killmullin’ ar an Down Survey ná mar atá i mbaile fearainn an lae inniu. Bhí bf Clonanny san áireamh ann, agus, de réir dealraimh, an logainm stairiúil seo a leanas: 1540c ‘Kylmoragh 20 acres [… Kyllamolen 20 acres]’ Crown Survey, 1570 ‘Kylmorghe’ F 1654, 1575 ‘Kilmorishill, or Killmorchil, or Killmorcho’ JKAS 339, 1617 ‘Kilemoragh, a half plowland; occupier, Tibbott mac Edmond O’Dempsie; lying north of the land of Ballecharroll … Kilemorragh’, ‘Kilmorchill claimed in right of the earl of Kildare’ Inq. Lag. 6 Jac. I (Fitzgerald) < Coill Mhurcha “the wood of Murcha”. (Bhí an Tiobóid mac Éamainn seo a luaitear in 1617 ina chónaí in bf Cloneen laisteas sa bhliain 1600 de réir F 6439.) Dhealródh sé gur foirm mheititéisithe den logainm céanna atá in 1838 ‘Keallavogera Fort’ Descr. Rem.:AL, 1841 Kalladoogara Fort SO 6ʺ ( * /kɛləˈvugərə/ < * /kɛləˈvurəgə/ < /kəilʹˈvo̤rəxə/) in iarthar bf Cluain Eanaigh (#28500) agus gurb í foirm an mhapa in -d- atá lochtach. (‘No visible surface remains’ www.archaeology.ie.)
   In ionchoisne 1617 tagraíonn ‘Kilemoragh’ don achar céanna atá léirithe mar 1655 ‘Killmullin’ DS, nach mór, ach is cinnte gur dhá logainm ar leith iad. Sa deontas a chruthaigh mainéar nua an Tiarna Arlington is cosúil go raibh an dá logainm seo i gceist, i dteannta le bf Clonanny, i bpáirt áirithe den ghabháltas: 1666 ‘Killmallaghagh alias Killmullin, Clonana alias Millsburry’ ASE 84. Is cosúil gur cheart ‘Killm[ur]aghagh’ a léamh (cf. 1838 ‘Keallavogera’) agus neamaird a dhéanamh don ‘alias’.