the hill of the tree

Is dealraitheach go bhfuarthas an fuaimniú Gaeilge 1838 ‘A chruinn’ (pl:AL) ón ‘Old Walsh’ a sholáthair roinnt ainmneacha sa chuid seo den pharóiste (cf. bf An Chlais Bhuí (#27982)). Díol spéise mar sin na foirmeacha béarlaithe 1801 ‘Knockacring’ agus 1838 ‘Knockacring’, a thaispeánann fuaimniú -nn caol /ŋʹ/. Cf. an litriú 1800c ‘don chearing’ = don cheithirn in LSO (La) II 273, as cáipéis a scríobhadh sa cheantar seo.

Gné canúna é seo atá le fáil in áiteanna eile i gCúige Laighean, e.g. 1837 ‘Kingay’ < par Cinn Eich i ndeisceart Chill Dara (#1200); an mionainm 1765 ‘Moneenachring’ < Móinín an Chrainn ar léarscáil Dheilginse, in oirdheisceart Bhaile Átha Cliath; 1825 ‘Carriglingeen’ < Carraig Linnín i lár Chill Mhantáin (#55587).

In Osraí dhéantaí fadú ar i roimh -nn caol freisin, e.g. 1667 ‘Garrincreene’ faoi bf Garraí an Chrainn (CC) (#26912) (cf. tinn /tʹiːŋʹ/ LASID II) — níl sé soiléir ar an bhfianaise a thagann anuas chugainn ar tharla a leithéid d’fhadú sa chuid seo de Laois nó nár tharla (cf. par Tulach Chruinn (Ce) (#348)).