1844 Ní léir comhartha cille ar chéad léarscáil na SO Is do Kylbrackan ex australi villae Brygowe et est in parochia de Brygowe (PRC I 11, anno 1367) a thagraíonn an Paorach sa mhéid seo: The Pipe Roll of Cloyne enables us to identify Ceall Brecain as the present Kiltrislane, where, however, no memory of the exact cill site survives. (Power 1932 73.33)

Bíodh gur laisteas de Bhrí Ghabhann a bhíodh Kylbrackan suite, dála Kiltrislane, ní bheadh aon dul anois ar an dá leagan a ionannú go cinnte agus gan teorainneacha cruinne na chéadfhoirme ar fáil. Níl aon saineolas dá shórt ar fáil in Kylbronan recte Kylbrocan (Ó Buachalla 1966 43.117), cuiream i gcás, ná i gcás Ceall Bracain (CrC 173.3) de. Is cinnte gur lean Liam Ó Buachalla an Paorach agus an iomarca béime aige á chur ar australi PRC, ní foláir, m.sh.: 1949 Kiltrislane: Cill Bracáin (Cill Drisleáin) Ó Buachalla a 32 1950 Cell Bracain (“Kiltrislane, formerly Tullykillybreckane”) Ó Buachalla b 91 1966 Kylbrocan: Kiltrislane (féach CPlR thuas) Ó Buachalla 43.117

Is dealraithí le coill ná le cill Keil na chéad fhoirme. In ainneoin gur mór idir an chéad fhoirm (atá meascaithe inti féin: Keil-/Kil-; -twilshanny/-twiltshane) agus na foirmeacha a leanann í, ní fios nach Keiltrilshanny ba chirte a léamh leis an gcéad tagairt. Meititéis is cúis leis an athrú ó -lsh (na chéad tagartha) go dtí -s(h)l- na bhfoirmeacha ina diaidh. D’oirfeadh COILL TRISLEÁIN d’fhormhór na leaganacha béarlaithe den ainm ó 1669 anall agus go deimhin, thiocfadh Kiltwilshane leis chomh maith, ní hionann agus -y na foirme roimpi. Ní léir brí trisleán murab é gur foirm mheititéise de trilseán (Dinneen ‘a tress, a plaited rushlight, a lamp or torch’) is bonn leis ná ní cinnte cé acu an ginideach uatha nó iolra a bhí ann.

22/6/1793 (s.n. Mathew John Aghern)