(i)is í Abhainn na Fuinsinn is teora theas do Manning na háite seo; (ii) is ar aghaidh Loch Trasna (< Roaringwater Bay) amach atá Mannin Island in iarthar an chontae chéanna; (iii) is ar aghaidh an Atlantaigh amach atá Cuan Mhanainn na Gaillimhe; (iv)is í an Monksfield River is teora thoir do Mannin sa chontae céanna, agus (v) is i gcóngar Mannin, i gcontae Mhaigh Eo, atá Mannin Lake suite. Eisceacht is ea Mannin chontae Laoise, is cosúil, áit ar ina goire nach léir uisce.

In ainneoin go luaitear Hi Mhannog (CrC 175.7) le Magh Drisein (I 172,10), áit i bhfoisceacht chúpla míle siar ó Manning, ní haon chúis é sin lena cheapadh gurbh ó ainm na tseantreabhchais (nach maireann) a tháinig ann don logainm, mar a tuigeadh an scéal go neamheaglach agus go hiomrallach do Revd. C. Rice: ... the connection between Mannan and Hy Manoge. The name is quite obsolete. They were, I suggest, Britons, like the Hy Brittain of Manann and the Mic Breathnaigh and Hy Arthuir of Tuath O Cuscraighe. Manoge and Mannan are identical. (Rice 1921 17)

Is spéisiúlade buntéis an Ollaimh (is é sin, gurb ainmneacha topagrafacha iad seo go léir a bhfuil baint acu le huisce, ibid.) í a bheith á tomhas anseo i gcoibhneas a bhfuil d’áiteanna darb ainm Mannin/Manning in Éirinn:

MANAINN (logthuiseal mana, q.v. DIL, s.v. 2. mana).

Ní foláir leis an Ollamh Wagner nó is focal é Manannán (na farraige) a bhfuil baint aige le Mana na Sean-Ghaeilge, focal arb ionann é féin agus Manaw, is é sin, ainm na Breatnaise ar Oileán Mhanann (Wagner 1979 32) agus dhá shampla chomhghaolmhara eile, dar leis, is ea Menai (a dtugtar ar an uisce sin a shníonn idir Anglesey agus an Mhíntír) agus Môn (- ainm na Breatnaise ar Anglesea).