the high river-meadow?

Tá aibhnte ar theorainneacha thiar, thuaidh agus thoir den bhaile fearainn seo. Dá dheasca sin is féidir talamh slán a dhéanamh de gur srath “river-meadow” atá san aicmitheoir. Ach cé go bhfuil cuma shoiléir ar an gcáilitheoir chomh maith, is deacair ard a shamhlú le leagan amach íseal na háite, mar a thugann Dowling faoi deara in JKAS XII 417 (‘If … ard were really the original form of the name it has been sadly misplaced, for the whole or virtually the whole of this large t[own]l[and] is low-lying.’).

Díol spéise nach bhfuil aon ardán le déanamh amach sa bhaile fearainn darb ainm bf Mullach an Aird nó An Doirín (#28642) i Ros Fhionnghlaise laistiar ach oiread.

Mionainmneacha ar an léarscáil:

1. Gabhann Borness Road SO thar 1841 Barranagh’s Br. SO 6ʺ, 1907c Borness Bridge SO 25ʺ trasna na Bearú ó thuaidh i dtreo bf Barr Eanach (#42079) i gContae Uíbh Fhailí.
2. Taobh thoir den droichead sin atá 1805 ‘The Pullagh’ Cahill, 1841 Pollagh SO < An Pollach “the place of holes”. Cf. Pollach an Bhaile Nua faoi bf Ráth Mhaoilis (#28293) i bparóiste Lé, bf Gráig an Phollaigh (#28414) i dTigh na hInse.