the town of the little wood?
?atuiscint < Baile (na) Coille “(the) town of (the) wood”

Tá foirmeacha DS, BSD agus Hib. Del. gaolmhar le chéile. D’fhéadfadh sé gur iarracht é 1655 ‘Ballaghkillagh’ ar Baile Coille .i. forcheartú ar * Ballakilla. Ní dócha go léiríonn an dá agh(-) seo ch /x/ na Gaeilge.

Más * Ballakilla atá á chur in úil, mar sin, ní bheadh a leithéid rófhada ó iontrálacha 1578 ‘banekall [leg. Ballekall]’ agus 1619 ‘ballekill’. Níl iontu seo ach aithris ar iontráil 1563 ‘ballynekill’. Tá litriú na n-ainmneacha eile níos cruinne, den chuid is mó, sa chéad fhoinse seo (1563) ná mar atá in F 3357 (1578) ná in CPR 429 (1619). Is ionann Garro-, et var., i dtosach na bhfoirmeacha úd agus bf Garbhach (#28855) atá teorantach leis an mbaile fearainn seo.

Is dócha gur diotagrafaíocht is cúis leis an dara -agh in 1669 ‘Ballykillagh alias Ballykillenagh’ ASE. Gan é, bheadh ‘Ballykillagh alias Ballykillen’ againn, is é sin, ‘an fhoirm atá le fáil in DS/BSD — alias — an fhoirm atá le fáil sa Census’. Tá an fhianaise an-leanúnach ón Census (1659) anuas go dtí an lá atá inniu ann. Más ea tá an chuma air go ndearna Baile (an) C(h)oillín de Baile Coille (a thagann féin b’fhéidir ó Baile na Coille an chéad lá), ach is deacair an próiseas a thuiscint.

Is réiteach é Baile an Choillín leis an bhfianaise ó 1659 i leith.